*** يوردوموزا ياز گلدي

دورنا، اؤردك، غاز گلدي

ايسته ديك چمن اكه ك

توْخوم- تيله آز گلدي!

*

«سيزده»- ده يئردن دوردوق

بير باغ دا ييغوا قوردوق

گؤردوك بخت آچيلمايير

آغاجا دويون ووردوق!

*

كرامته گيرديلر

بيزي سئوينديرديلر

«اردي بهشت» آييندا

بايرامليغي وئرديلر!

*

يوْخسادا لاله- نرگيز

گئنه يازلاندي تبريز

«باريش»- دا ياغيش ياغدي

«نصف راه» اوْلدو دنيز!

*

بولوت لار ياغيش الير

آسفالتين جانين دلير

«ميدان چايي» بوْش قاليب

خياوان دا سئل گلير!

آلقيشلاياق باهاري

گؤروم قوْروسون تاري

ياغيش يويوب هر يئري

پوْز وئرير شهرداري!